ദീപം

                   

ചുറ്റുമൊരുപാടുപേരുണ്ടായിട്ടും

ഇഷ്ടമൊരുപാട് കണ്ടുപോയിട്ടും

മുന്നിൽ നിറയുന്ന കളിചിരികൾക്കിടയിലും

സ്വയം ഒറ്റപ്പെട്ടു നിന്നുപോയവൻ

കനൽ കെടുത്തിയ മഴയോടും

ആശയേകിയ കാലത്തോടും

കൂടെ നടന്ന സ്വപ്നങ്ങളോടും

സ്വന്തമെന്നോതിയ ഒന്നിനോടും പരിഭവമില്ലാതെ

സ്വയമൊഴിഞ്ഞു നിന്നവൻ

പറന്നുയരാൻ ചിറകുകളുണ്ടായിട്ടും

പരക്കെ കാണാൻ കാഴ്ചകളുണ്ടായിട്ടും

ഇനിയുമസ്തമിക്കാത്ത മോഹങ്ങളുണ്ടായിട്ടും 

അകലെയുള്ളൊരു വെളിച്ചം നോക്കി

സ്വയം ഇരുളിൽ നടന്നവൻ.

ഇരുൾമേഖങ്ങളാ വെളിച്ചം മറച്ചപ്പോഴും

പതറുന്ന സ്വരങ്ങളാൽ മൗനം കാത്തപ്പോഴും

ഇടറുന്ന കൈകളാലീ വരികൾ കുറിച്ചപ്പോഴും

മുന്നിലാ വെളിച്ചത്തിലേക്കു ഞാനടുക്കുന്നു

മാറേണമെനിക്കിനി സ്വയമൊരു ദീപമായ്.

    Hk〽️