2022 ജൂലൈ 25

മയിൽ‌പീലി




നിന്നിൽനിന്നെന്നോ കടമായി വാങ്ങിയൊരു

പൊൻ മയിൽ‌പീലിയുണ്ടായിരുന്നെന്നിൽ

ഇനിയൊരു കാഴ്ചയിൽ തിരികെ തരാമെന്ന -

താശിച്ചതുള്ളിൽ കരുതിയിരുന്നു ഞാൻ.



ഒരുനോക്കു കണ്ടുവെന്നാക്കി നീ പോകവേ

ഒരു മറക്കുടക്കുള്ളിൽ നീ മായവേ

ഉള്ളിൽ കരുതിയൊരാ മയിൽ പീലിയെ

കൺകളാലേ പകുത്തു കഴിഞ്ഞു ഞാൻ.



ഒരു ചെറു തരിയോളം പരിഭവമില്ലാതെ

നിൻ മയിൽ‌പീലി ഉറങ്ങുന്ന കോണിനെ 

അല്പായുസ്സുള്ളൊരാ ചെറു നീർകുമിള പോൽ 

എന്റെ വരികളിൽ ഒളിപ്പിച്ചു വെച്ചു ഞാൻ.



നിൻ മിഴിക്കോണിലുള്ളീ തിളക്കവും

നിൻ ചൊടികളിലുള്ളീ ചിരിയിതും

കാലമെത്രയകന്നങ്ങു പോകിലും

എന്നുമുണ്ടാകട്ടെ എന്നോർത്തു പോകെ ഞാൻ.


HKM❣️




-

2 അഭിപ്രായങ്ങൾ:

ഇതിനായി സബ്‌സ്ക്രൈബ് ചെയ്ത: പോസ്റ്റിന്റെ അഭിപ്രായങ്ങള്‍ (Atom)

സ്വപ്നവിത്തുകൾ

കാലം കെട്ടിപ്പൊക്കിയ ചിതലരിച്ച പരിഷ്കാരങ്ങളിൽ കുടുങ്ങി നീർവറ്റി വരണ്ടുകീറിയ തടങ്ങളിൽ കൂടി എന്റെ സ്വപ്നങ്ങളങ്ങനെ വേച്ചു വേച്ചു നടന്നു കിതച്ചു...

  • ഒരു കന്യാകുമാരി യാത്ര - 1
       വളരെക്കാലമായി ആഗ്രഹിക്കുന്ന ഒന്നായിരുന്നു ഒറ്റക്ക് ഒരു കന്യാകുമാരി യാത്ര. കൊറോണ യുടെ പശ്ചാത്തലത്തിൽ മുടങ്ങിക്കിടന്ന യാത്ര പെട്ടെന്നൊരു ദി...
  • ചെങ്കൽഭിത്തിയിലെ രഹസ്യരേഖ - 1
      "ഇനിയും കാണാനാകുമെന്നുള്ള വിശ്വാസത്തോടെ പരസ്പരം യാത്ര പറഞ്ഞിറങ്ങുമ്പോൾ പറഞ്ഞു തീരാത്ത ഓർമ്മകളുടെയും ഇത്തിരി നേരംകൊണ്ട് പകർന്ന സ്നേഹത...
  • ഒരു കന്യാകുമാരി യാത്ര 4 - അനന്തപുരിയുടെ ഹൃദയത്തിലൂടെ
     പിന്നീടന്ന് പതിവിലും നേരത്തെ തന്നെ എഴുന്നേറ്റു. അലക്ഷ്യമായി എങ്ങോട്ടൊക്കെയോ നടന്നു. അതിരാവിലെ തന്നെ കടകളൊക്കെ തുറന്നിട്ടുണ്ട്. പള്ളിയും പരി...