നീ

                     നീ 
ചിറകടിച്ചെത്തുന്ന മധുരക്കിനാക്കളിൽ
ചായങ്ങൾ ചാലിച്ച് മഴവില്ല് തീർത്തുനീ ചേലുള്ള ചിത്രങ്ങൾ തീർക്കുമ്പോഴെന്നിലെ ചിറകറ്റൊരോർമകൾ തിരശീല തീർക്കുന്നു

അനുരാഗമൊട്ടുമാറിയിച്ചതില്ല ഞാൻ
അവളെന്റെ പ്രാണനായ് മാറിയ പിന്നെയും
കാലം കടന്നുപോയ് അറിയാതെയവളുടെ
കരളിലും തളിരിട്ടു പ്രണയത്തിൻ വല്ലികൾ

നിന്റെ മിഴിയിൽ നിറയുന്ന സ്നേഹവും ചെഞ്ചുണ്ടിൽ നിറയുന്ന പുഞ്ചിരി നാളവും
ചന്തം തികഞ്ഞോരാ പൂമുഖത്തിങ്കളും
ചിത്രമായ് ഹൃദയത്തിലെന്നേ വരച്ചു ഞാൻ

ഓർമകൾ കണ്മുന്നിലെത്തിച്ച കാഴ്ചയോ
രോമൽകിനാവായി തഴുകിയുറക്കിയേ
ഓർമ്മച്ചുഴിയിലായ് കറങ്ങുന്നു ഈ തോണി
ഓമനസ്വപ്നങ്ങൾ കണ്ടുകൊണ്ടങ്ങനെ